කුරුණෑගල, පරගහදෙණිය ප්රදේශයේ පිහිටි හෙල්මට් (හිස්වැසුම්) නිෂ්පාදන කර්මාන්ත ශාලාවක අද (10) දින හදිසි ගින්නක් හටගෙන තිබේ.
ගින්න ඉතා වේගයෙන් පැතිර යාම හේතුවෙන් එම පරිශ්රයේ තිබූ ප්රධාන අලෙවිසැල සම්පූර්ණයෙන්ම ගිනිබත් වී ඇති බව වාර්තා වේ. ගින්න පාලනය කිරීම සඳහා ප්රදේශවාසීන් සහ ගිනි නිවන ඒකක දැඩි උත්සාහයක නිරත විය.
අලෙවිසැලට සහ එහි තිබූ නිෂ්පාදනවලට දැඩි හානි සිදුව ඇති අතර, සිදුවූ සම්පූර්ණ අලාභය මෙතෙක් තක්සේරු කර නොමැත.ගින්න හටගැනීමට බලපෑ නිශ්චිත හේතුව මෙතෙක් අනාවරණය වී නොමැති අතර, කුරුණෑගල පොලිසිය මේ පිළිබඳව වැඩිදුර විමර්ශන ආරම්භ කර ඇත.
