තායිලන්තයේ සිට නීතිවිරෝධී ලෙස මෙරටට ගෙන ආ රුපියල් ලක්ෂ හයක් වටිනා විසිතුරු මල් පැළ තොගයක් සමඟ 19 හැවිරිදි තරුණයෙකු අද (10) අලුයම කටුනායක ගුවන් තොටුපොළේදී අත්අඩංගුවට ගෙන තිබේ.
මෙලෙස අත්අඩංගුවට ගෙන ඇත්තේ මීගමුව, කොච්චිකඩේ ප්රදේශයේ පදිංචි තරුණයෙකි. ඔහු අද අලුයම 12.35ට තායිලන්තයේ බැංකොක් නුවර සිට තායි ගුවන් සේවයේ ටී.ජී.- 307 (TG-307) දරන ගුවන් යානයෙන් දිවයිනට පැමිණ තිබුණි.
සැකකරු විසින් රැගෙන ආ ගමන් මලු 03ක් පරීක්ෂා කිරීමේදී, රේගු නිලධාරීන් විසින් රහසිගතව සඟවා තිබූ විසිතුරු මල් පැළ 386ක් සොයාගෙන ඇත. එම පැළ අතර බහුලව දක්නට ලැබෙන වර්ග කිහිපයක් මෙසේය:
-
ප්රිලෝඩෙන්ඩ්රම් (Philodendron)
-
ඇග්ලෝනිමා (Aglaonema)
-
ඇලොකේශියා (Alocasia)
-
මොන්ස්ටෙරා (Monstera)
රේගු ජෛව විවිධත්ව, සංස්කෘතික හා ජාතික උරුමයන් ආරක්ෂණ අංශයේ නිලධාරීන් සහ කටුනායක ගුවන් තොටුපොළ රේගු නිලධාරීන් එක්ව මෙම වැටලීම සිදු කර ඇත.
ශාක නිරෝධායන නීති උල්ලංඝනය කරමින් සිදුකරන මෙවැනි නීතිවිරෝධී ආනයනයන් හරහා දේශීය පරිසර පද්ධතියට හානිකර පළිබෝධකයන් ඇතුළු විය හැකි බැවින්, මේ සම්බන්ධයෙන් රේගු නිලධාරීන් වැඩිදුර විමර්ශන පවත්වයි.
