හැටන් – කොළඹ ප්රධාන මාර්ගයේ යටියන්තොට, තණකොළවත්ත ප්රදේශයේදී අද (20) සිදු වූ දරුණු රිය අනතුරකින් කාන්තාවක ජීවිතක්ෂයට පත්ව තවත් සිව්දෙනෙකු තුවාල ලබා තිබේ.
නුවරඑළිය සිට කොළඹ බලා ධාවනය වූ ඉන්දීය සංචාරකයින් පිරිසක් රැගත් බස් රථයක් මාර්ගයෙන් ඉවතට පැන පදිකයින් පිරිසකගේ ගැටීමෙන් මෙම අනතුර සිදුව ඇත.
අනතුර සිදුවන අවස්ථාවේදී අදාළ කාන්තාව සිය දරුවන් දෙදෙනා උපකාරක පන්ති වෙත යැවීම සඳහා මාර්ගය අසල රැඳී සිට ඇති බව වාර්තා වේ.
මියගිය තැනැත්තිය 40 හැවිරිදි මවකි. ඇයගේ දියණිය සහ පුත්රයා බරපතල තුවාල ලබා රෝහල් ගත කර ඇත.
බස් රථය පාලනය කරගත නොහැකිව පෙරළී යාමෙන් එහි ගමන් කරමින් සිටි ඉන්දීය ජාතිකයින් දෙදෙනෙකු ද තුවාල ලබා ඇති අතර, ඔවුන් මේ වන විට ප්රතිකාර සඳහා රෝහල් ගත කර තිබේ.
සිද්ධිය සම්බන්ධයෙන් යටියන්තොට පොලිසිය විසින් පරීක්ෂණ පවත්වන අතර, බස් රථයේ අධික වේගය හෝ කාර්මික දෝෂයක් අනතුරට හේතු වූයේද යන්න පිළිබඳව විමර්ශන ක්රියාත්මකයි. අනතුරට සම්බන්ධ බස් රථයේ රියදුරු සම්බන්ධයෙන් ඉදිරි නීතිමය ක්රියාමාර්ග ගැනීමට නියමිතය.
