මෙවර ලෝක රූ රැජින තරගයට ශ්‍රී ලංකාවෙන් ඉදිරිපත් වන අනුදි ගුණසේකරට සහාය දැක්වීමට ඔබට දැන් අවස්ථාව උදා වී තිබේ.

ඒ අනුව, Miss World ජංගම යෙදුම හරහා පැවැත්වෙන Multimedia Challenge සහ Peoples’ Choice යන තරග සඳහා ඇයට ඔබේ සහාය ලබා දිය හැකිය. ඇගේ පැතිකඩට ලැබෙන ප්‍රතිචාර (Engagement) මත ඇයට ලකුණු හිමිවන අතර, Miss World Sri Lanka සහ Miss World යන නාලිකා දෙකෙන්ම ඇයට ලකුණු ලැබෙන බැවින් එම නාලිකා දෙකෙන්ම ඇයව ඉදිරියට ගෙන යා යුතු බව වාර්තා වේ.

මේ සඳහා ඔබ Play Store හෝ App Store වෙතින් Miss World App එක බාගත කර ගිණුමක් සෑදිය යුතුය. පසුව, යෙදුමට ඇතුළු වී Countries List යටතේ Sri Lanka තෝරා Miss World Sri Lanka Community වෙත සම්බන්ධ වී Anudi Gunasekara ගේ පැතිකඩ අනුගමනය (Follow) කළ යුතුය.

ඉන්පසු, Miss World Sri Lanka සහ Miss World යන නාලිකා දෙකෙහි අනුදි පළ කරන පෝස්ට්වලට Like සහ Comment කරමින් ඇය සමඟ සම්බන්ධ වන්න.

Miss World Sri Lanka පිටුවට බොහෝ පිරිසක් සම්බන්ධ වී සිටියද, Miss World Channel තුළද අනුදිට සහාය ලබා දෙන ලෙස ඇය වැඩිදුරටත් ඉල්ලා සිටී.

එසේම, Miss World තරගාවලියේ Peoples’ Choice වටය ඉදිරියේදී ආරම්භ වීමට නියමිත අතර, යෙදුමේ ප්‍රතිචාර සලකා බලන Multimedia Challenge එකද ළඟදීම පැමිණීමට නියමිතය. මෙම අදියරවලදී අනුදි ජයග්‍රහණය කළහොත් අවසන් 40 දෙනාගේ වටයට පිවිසීමට ඇයට අවස්ථාව ලැබේ.