2023 වසරේ දෙසැම්බර් 31 වනදා වැලිගම W15 හෝටලය අසලදී සිදුවූ ආන්දෝලනාත්මක වෙඩි තැබීමේ සිද්ධිය සම්බන්ධයෙන් අවශ්යව සිටි හිටපු පොලිස් පරීක්ෂක ජගත් නිශාන්ත මහතා අත්අඩංගුවට ගෙන තිබේ. විදේශගතව සැඟව සිටි සැකකරු ඊයේ (23) යළි දිවයිනට පැමිණි අවස්ථාවේදී කටුනායක ජාත්යන්තර ගුවන්තොටුපොළේදී අපරාධ පරීක්ෂණ දෙපාර්තමේන්තුව විසින් මෙම අත්අඩංගුවට ගැනීම සිදුකර ඇත.
මෙම වෙඩි තැබීමේ සිදුවීමෙන් පොලිස් නිලධාරියෙකුට සිය ජීවිතය අහිමි වූ අතර, එය එවකට රට තුළ දැඩි කතාබහට ලක්වූ සිදුවීමක් විය. විශේෂයෙන්ම මෙම මෙහෙයුම ක්රියාත්මක වූ ආකාරය සහ ඒ පිටුපස ඇති විධායක තීරණ සම්බන්ධයෙන් එවකට සිටි පොලිස් ප්රධානීන් වෙත ද විවිධ පාර්ශ්වයන්ගෙන් බරපතළ චෝදනා එල්ල විය.
අත්අඩංගුවට ගත් හිටපු පොලිස් පරීක්ෂකවරයා අධිකරණයට ඉදිරිපත් කිරීමට නියමිත අතර, මෙම සිදුවීමට අදාළ සැඟවුණු තොරතුරු රැසක් ඔහුගෙන් ප්රශ්න කිරීමේදී අනාවරණය කර ගැනීමට හැකිවනු ඇතැයි පොලිසිය විශ්වාසය පළ කරයි.
