රජයේ වෛද්‍ය නිලධාරීන්ගේ සංගමයේ වාර්ෂික නිලවරණයේදී වෛද්‍ය සංජීව තෙන්නකෝන් මහතා සභාපති ලෙසත්, වෛද්‍ය ප්‍රභාත් සුගතදාස මහතා ලේකම් ලෙසත් යළි තේරී පත්ව තිබෙනවා.
ඊයේ (ජුනි 28) පැවති මෙම නිලවරණයේදී ඔවුන් දෙදෙනා 60%කට වැඩි ඡන්ද සංඛ්‍යාවක් ලබා ගනිමින් නැවත වරක් සිය තනතුරු තහවුරු කර ගත්තා.
මෙම මැතිවරණයේදී වෛද්‍ය සංජීව තෙන්නකෝන් සහ වෛද්‍ය ප්‍රභාත් සුගතදාස එක් පාර්ශ්වයක් ලෙස තරග වැදුණු අතර, අනෙක් පාර්ශ්වය නියෝජනය කළේ දර්ශන සිරිසේන සහ හරිත අලුත්ගේ මහත්වරුන්. ඔවුන්ගේ පාර්ශ්වය පරාජයට පත් කරමින්, වෛද්‍ය සංජීව තෙන්නකෝන් සහ වෛද්‍ය ප්‍රභාත් සුගතදාස මහත්වරුන් ප්‍රමුඛ පාර්ශ්වය රජයේ වෛද්‍ය නිලධාරීන්ගේ සංගමයේ බලය යළිත් තහවුරු කර ගැනීමට සමත් වුණා.
