හෙළ සිනමාවේ නිළි රැජිණ” ලෙස විරුදාවලිය ලැබූ අති විශිෂ්ට රංගන ශිල්පිනී මාලනී ෆොන්සේකා මහත්මිය අද (මැයි 24) අලුයම අභාවප්‍රාප්ත වී තිබෙනවා. ඇය මියයන විට 78 වන වියේ පසුවිය.
රෝගී තත්ත්වයක් හේතුවෙන් කොළඹ පිහිටි පෞද්ගලික රෝහලක ප්‍රතිකාර ලබමින් සිටියදී ඇය මෙලෙස සදහටම දෙනෙත් පියා ඇත.
වසර ගණනාවක් පුරා ශ්‍රී ලාංකේය සිනමාවට අමිල මෙහෙවරක් කළ මාලනී ෆොන්සේකා මහත්මිය චිත්‍රපට 150කට අධික සංඛ්‍යාවකට සිය රංගන දායකත්වය ලබා දී තිබෙනවා. ඇයගේ විශිෂ්ට රංගනයන් තුළින් ලාංකේය සිනමා ඉතිහාසයට අමරණීය මතකයන් එක් කළ අතර, ඇය මෙරට සිනමා රසිකයින්ගේ හදවත් තුළ සදා නොමැකෙන චරිතයක් ලෙස රැඳී සිටිනු ඇත.
ඇයගේ අභාවය සමස්ත කලා ක්ෂේත්‍රයටම මෙන්ම ශ්‍රී ලාංකේය ජනතාවට ද මහත් පාඩුවකි. ඇයට අමා මහා නිවන් සුව ප්‍රාර්ථනා කරමු.
