ඇෆ්ගනිස්ථානයේ කාබුල් අගනුවර පිහිටි මත්ද්රව්යවලට ඇබ්බැහි වූවන් පුනරුත්ථාපනය කරන ප්රධාන රෝහලක් ඉලක්ක කර ගනිමින් එල්ල වූ දරුණු ගුවන් ප්රහාරයකින් අවම වශයෙන් පුද්ගලයන් 400 දෙනෙකු ජීවිතක්ෂයට පත්ව ඇති බව විදෙස් මාධ්ය වාර්තා කරයි. මෙම ප්රහාරයෙන් තවත් පුද්ගලයන් 250කට අධික පිරිසක් බරපතල තුවාල ලබා ඇති අතර, මියගිය සංඛ්යාව තවදුරටත් ඉහළ යා හැකි බවට බිය පළ කෙරේ.
මෙම අමානුෂික ප්රහාරය පකිස්ථාන ගුවන් හමුදාව විසින් එල්ල කරන ලද්දක් බවට ඇෆ්ගනිස්ථාන බලධාරීන් සෘජුවම චෝදනා කර සිටියි. සිවිල් වැසියන් රැඳී සිටි වෛද්ය මධ්යස්ථානයකට මෙලෙස ප්රහාර එල්ල කිරීම ජාත්යන්තර නීති උල්ලංඝනය කිරීමක් බව ඔවුන් පෙන්වා දෙයි.
කෙසේ වෙතත්, ඇෆ්ගනිස්ථානය එල්ල කරන මෙම චෝදනාව පකිස්ථාන රජය දැඩි ලෙස ප්රතික්ෂේප කර තිබේ. තම රට මෙම ප්රහාරයට කිසිදු සම්බන්ධයක් නොමැති බව පවසන පකිස්ථානය, කලාපීය නොසන්සුන්තාවය වැඩි කිරීමට මෙවැනි ප්රකාශ හේතු වන බව සඳහන් කරයි. මෙම සිදුවීමත් සමඟ අසල්වැසි රටවල් දෙක අතර පවතින රාජ්යතාන්ත්රික සබඳතා තවදුරටත් පළුදු වී ඇති බව විදේශ විශ්ලේෂකයෝ පවසති.
