දක්ෂිණ අධිවේගී මාර්ගයේ වැලිපැන්න සේවා ප්රදේශය ආසන්නයේදී අද (06) පෙරවරුවේ සිදුවූ රිය අනතුරකින් පුද්ගලයින් තිදෙනෙකු තුවාල ලබා තිබේ. ඉදිරියෙන් ධාවනය වෙමින් තිබූ කන්ටේනර් රථයක පිටුපසින් පැමිණි ට්රක් රථයක් වේගයෙන් ගැටීමෙන් මෙම අනතුර සිදුව ඇත.
දොඩංගොඩ සහ වැලිපැන්න අතර ප්රදේශයේදී මෙම ගැටීම සිදුව ඇති අතර, අනතුරින් තුවාල ලැබූ පිරිස වහාම ප්රතිකාර සඳහා කළුතර ශික්ෂණ රෝහලට (නාගොඩ රෝහල) ඇතුළත් කළ බව පොලීසිය තහවුරු කළේය.
මෙම අනතුරත් සමඟ කොළඹ සිට මාතර දෙසට ධාවනය වන මංතීරුවේ දැඩි රථවාහන තදබදයක් නිර්මාණය වී තිබේ. අනතුරට පත් වාහන මාර්ගයෙන් ඉවත් කරන තෙක් එම මංතීරුවේ ගමනාගමනය අඩාල වී ඇති බව වාර්තා වේ.
අධිවේගී මාර්ගයේ මාතර දෙසට ගමන් ගන්නා රියදුරන්ට විකල්ප මාර්ග භාවිත කරන ලෙස හෝ ප්රවේශමෙන් ධාවනය කරන ලෙස බලධාරීන් උපදෙස් දෙයි. විශේෂයෙන්ම වාහන අතර ආරක්ෂිත පරතරය තබා නොගැනීම මෙම අනතුරට හේතුවී ඇත්දැයි අධිවේගී රථවාහන පොලීසිය වැඩිදුර විමර්ශන පවත්වයි.
