තායිලන්තයේ සිට රුපියල් කෝටි 16කට අධික වටිනාකමින් යුත් ‘කුෂ්’ (Kush) මත්ද්රව්ය තොගයක් මෙරටට හොර රහසේ රැගෙන ආ කාන්තාවක් සහ පිරිමි පුද්ගලයන් දෙදෙනෙකු කටුනායක ගුවන් තොටුපොළේදී පොලිස් මත්ද්රව්ය නාශක කාර්යාංශය විසින් අත්අඩංගුවට ගෙන තිබේ.
ඊයේ (15) රාත්රී 07.00ට පමණ ඩුබායි සිට එමිරේට්ස් ගුවන් සේවයට අයත් EK-654 දරන යානයෙන් මෙරටට පැමිණි අවස්ථාවේදී මොවුන් පරීක්ෂාවට ලක් කර ඇත. අත්අඩංගුවට ගත් සැකකරුවන් පිළිබඳ තොරතුරු මෙසේය,
28 සහ 33 හැවිරිදි පිරිමි පුද්ගලයන් දෙදෙනෙක් සහ 35 හැවිරිදි කාන්තාවක්. කොළඹ සහ වැල්ලම්පිටිය ප්රදේශවල පදිංචිකරුවන්. සැකකරුවන් අතරින් එක් අයෙකු සම්භාහන ආයතනයක් පවත්වාගෙන යන පුද්ගලයෙකු බවට තොරතුරු ලැබී ඇත.
පොලිස් නිලධාරීන් විසින් සැකකරුවන් සතු ගමන් මලු පරීක්ෂා කිරීමේදී, එක් මල්ලක ඉතා සූක්ෂ්ම ලෙස අසුරා තිබූ මත්ද්රව්ය පැකට් 60ක් සොයා ගැනීමට හැකි විය.
කුෂ් මත්ද්රව්ය කිලෝග්රෑම් 16යි ග්රෑම් 400ක්.
රුපියල් එක්කෝටි හැට ලක්ෂයකට (කෝටි 16) අධික බව ගණන් බලා ඇත.
මෙම මත්ද්රව්ය තොගය තායිලන්තයේ බැංකොක් නුවරින් මිලදී ගෙන ඩුබායි හරහා මෙරටට ගෙන එනු ලැබූවකි.
අත්අඩංගුවට ගත් සැකකරුවන් තිදෙනා අද (පෙබරවාරි 16) මීගමුව මහෙස්ත්රාත් අධිකරණය වෙත ඉදිරිපත් කිරීමට නියමිතය. මොවුන් පිටුපස සිටින ප්රධාන ජාවාරම්කරුවන් කවුරුන්ද යන්න පිළිබඳව පොලිස් මත්ද්රව්ය නාශක කාර්යාංශය වැඩිදුර විමර්ශන පවත්වාගෙන යනු ලබයි.
