2026 වසරේ මුල් මාස පහ (05) තුළ ශ්රී ලංකාවේ අපනයන (Export) ක්ෂේත්රය සර්වකාලීන මට්ටමකින් සැලකිය යුතු වර්ධනයක් වාර්තා කර තිබේ. ඒ අනුව, මෙරට සමස්ත අපනයන ආදායම ඇමරිකානු ඩොලර් බිලියන 7.3 සීමාව ද ඉක්මවා ගොස් ඇති බව නිල සංඛ්යාලේඛන පෙන්වා දෙයි.
ශ්රී ලංකා රේගුව (Sri Lanka Customs) විසින් නිකුත් කරන ලද තාවකාලික දත්ත සහ මැණික් හා ස්වර්ණාභරණ මෙන්ම ඛනිජ තෙල් නිෂ්පාදන සඳහා වූ ඇස්තමේන්තුගත සංඛ්යාලේඛන මත පදනම්ව මෙම වාර්තාව සකසා ඇත.
2026 වසරේ ජනවාරි මාසයේ සිට මැයි මාසය දක්වා වූ කාලය තුළ භාණ්ඩ හා සේවා අපනයන සමස්ත ආදායම ඇමරිකානු ඩොලර් මිලියන 7,393.39ක් (දළ වශයෙන් ඩොලර් බිලියන 7.39ක්) ලෙස ඇස්තමේන්තු කර තිබේ. මෙය 2025 වසරේ අනුරූප කාලසීමාවට සාපේක්ෂව සියයට 7.56ක සුවිශේෂී වර්ධනයකි.
භාණ්ඩ සහ සේවා අංශ වෙන වෙනම කැපී පෙනෙන වර්ධනයක් අත්කරගෙන ඇති ආකාරය පහත පරිදි වේ,
වෙළඳ භාණ්ඩ අපනයනය : මෙම කාලය තුළ වෙළඳ භාණ්ඩ අපනයනයෙන් උපයා ඇති ආදායම ඇමරිකානු ඩොලර් මිලියන 5,758.44ක් වන අතර, එය පසුගිය වසරට සාපේක්ෂව සියයට 7.63ක ඉහළ යාමකි.
සේවා අපනයනය : තොරතුරු තාක්ෂණ හා සංචාරක ඇතුළු සේවා අපනයන අංශය ද ඉහළ වර්ධනයක් පෙන්නුම් කරමින් ඇමරිකානු ඩොලර් මිලියන 1,634.95ක ආදායමක් රටට උපයා දී ඇත. එය සියයට 7.31ක වර්ධනයකි.
2026 වසරේ මැයි මාසය තුළ පමණක් මෙරට අපනයන අංශය ඉතා ඉහළ ප්රගතියක් පෙන්වා තිබේ. 2025 මැයි මාසයට සාපේක්ෂව, 2026 මැයි මාසයේදී,
-
වෙෙළඳ භාණ්ඩ අපනයනය සියයට 18.25කින් වර්ධනය වී ඇත.
-
සේවා අපනයනය සියයට 18.67කින් දැවැන්ත ලෙස ඉහළ ගොස් ඇත.
මෙම ධනාත්මක ආර්ථික ප්රවණතාවය ඉදිරි මාසවලදීත් අඛණ්ඩව පැවතුණහොත්, වසර අවසානයේදී මෙරට විදේශ විනිමය සංචිතය (Foreign Exchange Reserves) තවදුරටත් ශක්තිමත් වනු ඇතැයි ආර්ථික විශ්ලේෂකයෝ අපේක්ෂා කරති.
