ජාත්‍යන්තර මෝටර් රථ සම්මේලනය (FIA) විසින් සංවිධානය කරන ෆෝමියුලා තරගාවලියක තෙවන අදියරට (Formula 3) සුදුසුකම් ලැබූ පළමු ශ්‍රී ලාංකික රියදුරා බවට 18 හැවිරිදි යෙවාන් ඩේවිඩ් පත්ව තිබෙනවා.
යෙවාන් ඩේවිඩ් මේ වනවිට යුරෝෆෝමියුලා විවෘත ශූරතාවලියට තරගවදින අතර, එහිදී මේ දක්වා ජයග්‍රහණ හතරකට හිමිකම් කියයි. ඔහු 2024 වසරේදී යුරෝකප්-3, ස්පාඤ්ඤ F4 සහ UAE F4 ශූරතාවලි සඳහා ද තරග වැදී තිබෙනවා.
F3 අදියරට උසස්වීම පිළිබඳ අදහස් දක්වමින් ඔහු ප්‍රකාශ කළේ, තම රටෙන් ශූරතාවලියට තරග වදින පළමු රියදුරු වීම ගැන ආඩම්බර වන බවත්, මෙම අවස්ථාව ලැබීම ගැන කෘතඥ වන බවත්ය.
2026 වාරය සඳහා AIX රේසිං සමඟ අත්සන් කිරීම හේතුවෙන් යෙවාන්ට මෙලෙස FIA ෆෝමියුලා 3 තරගාවලියට සහභාගිවීමට අවස්ථාව උදා වී තිබේ. මෙය ශ්‍රී ලංකාවේ මෝටර් රථ ක්‍රීඩා ඉතිහාසයේ සුවිශේෂී සන්ධිස්ථානයක් වන අතර, යෙවාන්ගේ අනාගතය සඳහා ninenews.lk අපගේ සුභ පැතුම්!
