ශ්‍රී ලංකා – බංග්ලාදේශ ආර්ථික සහයෝගීතාව ශක්තිමත් කිරීමට සාකච්ඡා

බංග්ලාදේශය සමඟ සබඳතා ශක්තිමත් කිරීම සඳහා විශේෂයෙන් ආර්ථික සහයෝගීතාව සම්බන්ධයෙන් ශ්‍රී ලංකාව ලබා දෙන වැදගත්කම විදේශ අමාත්‍ය මහාචාර්ය ජී. එල්. පීරිස් මහතා විසින් අවධාරණය

මිතුරන් සමග ‌බෙදාගන්න

බංග්ලාදේශය සමඟ සබඳතා ශක්තිමත් කිරීම සඳහා විශේෂයෙන් ආර්ථික සහයෝගීතාව සම්බන්ධයෙන් ශ්‍රී ලංකාව ලබා දෙන වැදගත්කම විදේශ අමාත්‍ය මහාචාර්ය ජී. එල්. පීරිස් මහතා විසින් අවධාරණය කර තිබේ. බංග්ලාදේශ මහකොමසාරිස් තාරෙක් එම්. අරිෆුල් ඉස්ලාම් මහතා සමඟ ඔක්තෝබර් 07 දින විදේශ අමාත්‍යාංශයේ දී සිදු කළ සුහද හමුවක දී අමාත්‍යවරයා මේ බව සඳහන් කළේය.

දෙරට අතර පවතින ශක්තිමත් සබඳතා සිහිපත් කළ අමාත්‍යවරයා, විශේෂයෙන් එක්සත් ජාතීන්ගේ මානව හිමිකම් කවුන්සිලය ඇතුළු බහුපාර්ශ්වික වේදිකාවල දී ශ්‍රී ලංකාව වෙත ලබා දෙන අඛණ්ඩ සහය සහ සහයෝගීතාවය පිළිබඳව බංග්ලාදේශ රජයට ස්තූතිවන්ත විය. හවුල් සංචාරක ව්‍යාපාර, ත්‍රස්තවාදයට එරෙහිව සටන් කිරීම හා ඊට එරෙහිව කටයුතු කිරීම සහ කලාපය තුළ වෙළඳාම පුළුල් කිරීම සඳහා බුද්ධි තොරතුරු බෙදා හදා ගැනීම ඇතුළු පුළුල් ද්විපාර්ශ්වික කරුණු රැසක් පිළිබඳව ද අමාත්‍යවරයා මහ කොමසාරිස් අරිෆුල් ඉස්ලාම් මහතා සමඟ සාකච්ඡා කළේය.

දකුණු ආසියානු කලාපයේ වෙළඳාමේ පවතින අති විශාල විභවයන් සැලකිල්ලට ගෙන, බංග්ලාදේශය උසස් තත්ත්වයේ ඇඟලුම් නිෂ්පාදනය කරන ඉහළ පෙළේ නිෂ්පාදනයක් වන බැවින්, විශේෂයෙන් ඇඟලුම් අංශයේ ජාත්‍යන්තර හා කලාපීය වෙළෙඳ ගිවිසුම්වල ප්‍රතිලාභ ලබා ගැනීම සඳහා දෙරටම සමීප සහයෝගයෙන් කටයුතු කිරීමේ අවශ්‍යතාවය විදේශ අමාත්‍ය පීරිස් මහතා අවධාරණය කළේය.

ඉදිරි වසරවල දී ද්විපාර්ශ්වික වෙළඳ සබඳතා ඉහළ නැංවීම සඳහා වන නියත පියවර ලෙස දෙරට අතර නාවික කටයුතුවල සහයෝගීතාව ඉහළ නැංවීමේ සහ මනාප වෙළඳ ගිවිසුම (PTA) ඉක්මනින් අවසන් කිරීමේ වැදගත්කම පිළිබඳව බංග්ලාදේශ මහකොමසාරිස්වරයා අවධාරණය කළේය.

ලබන වසරේ දී ශ්‍රී ලංකාව සහ බංග්ලාදේශය අතර රාජ්‍යතාන්ත්‍රික සබඳතා ස්ථාපිත කිරීමේ 50 වැනි සංවත්සරය සැමරීම පිළිබඳව ද මෙම සාකච්ඡාවේ දී සාකච්ඡා කෙරිණි.

biz.adaderana.lk

තවත් පුවත්