අද පෙරවරු 09 සිට දිස්ත්‍රික්ක 12 කට අධික වැසි සඳහා කාලගුණ අනාවැකි නිකුත් කර තිබේ.
ඉදිරි පැය 24 තුළ බස්නාහිර, සබරගමුව, මධ්‍යම සහ වයඹ පළාත්වල සමහර ස්ථානවලට මිලිමීටර් 100 ට වැඩි තද වැසි බලාපොරොත්තු විය හැකි බව කාලගුණ විද්‍යා දෙපාර්තමේන්තුව පවසයි.
මෙම කාලය තුළ ගාල්ල සහ මාතර දිස්ත්‍රික්කවලට මිලිමීටර් 100 ට වැඩි තද වැසි බලාපොරොත්තු විය හැක.
ගිගුරුම් සහිත වැසි ඇති වන විට තාවකාලික තද සුළං සහ අකුණු මඟින් සිදුවන හානි අවම කර ගැනීමට ප්‍රමාණවත් පියවර ගන්නා ලෙස ජනතාවගෙන් ඉල්ලීමක් කෙරේ.
