2025 වසරේ දෙවන භාගය සඳහා වන විදුලි ගාස්තු සංශෝධනය අද (ජූනි 11) දින ප්‍රකාශයට පත් කිරීමට නියමිත බව ශ්‍රී ලංකා මහජන උපයෝගිතා කොමිෂන් සභාව (PUCSL) පවසනවා.

ලංකා විදුලිබල මණ්ඩලය (CEB) විසින් පසුගියදා මහජන උපයෝගිතා කොමිසම වෙත, විදුලි ගාස්තු 18.3% කින් ඉහළ නැංවීමට අදාළ යෝජනා ඇතුළත් උපදේශන පත්‍රිකාවක් භාර දී තිබුණා.

මහජන උපයෝගීතා කොමිසම විසින් මෙම යෝජනාව සම්බන්ධයෙන් අදියර කිහිපයක් ඔස්සේ මහජන අදහස් ලබා ගැනීමෙන් අනතුරුවයි අද දිනයේ නව විදුලි ගාස්තු සංශෝධනය ප්‍රකාශයට පත් කිරීමට කටයුතු කරන්නේ. මෙම නව සංශෝධනය මගින් පාරිභෝගිකයින්ට බලපාන ආකාරය පිළිබඳව බොහෝ දෙනෙකු විමසිල්ලෙන් පසුවනවා.