ඉන්දියාවේ කුෂිනගර් ජාත්‍යන්තර ගුවන් තොටුපළ වෙත ජාත්‍යන්තර ගුවන් ගමන් ආරම්භ කිරීමේ සමාරම්භක ජාත්‍යන්තර ගුවන් යානයේ ශ්‍රී ලංකා නියෝජිතයින්ගේ සහභාගීත්වයෙන් ක්‍රීඩා අමාත්‍ය නාමල් රාජපක්ෂ මහතා අද මෙහෙයවීය.
භික්ෂූන් වහන්සේලා 95 ක් සහ නිලධාරින් 12 දෙනෙකු ඇතුළුව මගීන් 111 දෙනෙකුගෙන් යුත් දූත පිරිසක් අද උදෑසන කටුනායක බණ්ඩාරනායක ජාත්‍යන්තර ගුවන් තොටුපලෙන් පිටත්ව ගියහ.
මෙම නියෝජිත පිරිසට අස්ගිරි පාර්ශවයේ අනුනායක ස්වාමින් වහන්සේ සහ මහා සංඝරත්නය 95 නමක් ද ඇතුළත් ය.
ගුවන් යානයේදී වස්කඩුවේ කපිලවස්තු සර්වඥධාතූන් වහන්සේ ද වැඩම කරවනු ලැබීය.
මෙය ඉන්දීය අග්‍රාමාත්‍ය නරේන්ද්‍ර මෝදිගේ ප්‍රධානත්වයෙන් අද විවෘත කිරීමට නියමිත කුෂිනගර් ගුවන් තොටුපල වෙත වන ආරම්භක ගුවන් ගමනයි.
කුෂිනගර් ජාත්‍යන්තර ගුවන් තොටුපල, ඉන්දියානු රුපියල් කෝටි ගණන් ඇස්තමේන්තු ගත මුදලකින් ඉදි කර ඇත. මිලියන 2600 ක් දේශීය හා ජාත්‍යන්තර වන්දනා කරුවන්ට බුදුරජාණන් වහන්සේගේ මහා පරිනිර්වාණ භූමිය නැරඹීම සඳහා පහසුකම් සලසන අතර එය ලොව පුරා පිහිටි බෞද්ධ වන්දනා මධ්‍යස්ථාන සම්බන්ධ කිරීමේ උත්සාහයකි.
මෙම ගුවන් තොටුපල උත්තර් ප්‍රදේශ් සහ බිහාර් යන දිස්ත්‍රික්ක සඳහා සේවය කරන අතර කලාපයේ ආයෝඡන හා රැකියා අවස්ථා ඉහළ නැංවීමේ වැදගත් පියවරකි. (ninenews)
