කොටස් වෙළෙඳපොළෙන් තවත් ඓතිහාසික වාර්තාවක්. තනි දිනක් තුළ විශාලම පිබිදීම අද..

කොළඹ කොටස් වෙළෙඳපොළ සියලු කොටස් මිල දර්ශකය අද (03) දිනය තුළ ඒකක 399.81ක දැවැන්ත වර්ධනයක් වාර්තා කළේය. මෙය කොටස් වෙළෙඳපොළ ඉතිහාසයේ තනි දිනක් තුළ

මිතුරන් සමග ‌බෙදාගන්න

කොළඹ කොටස් වෙළෙඳපොළ සියලු කොටස් මිල දර්ශකය අද (03) දිනය තුළ ඒකක 399.81ක දැවැන්ත වර්ධනයක් වාර්තා කළේය.
මෙය කොටස් වෙළෙඳපොළ ඉතිහාසයේ තනි දිනක් තුළ දී සියලු කොටස් මිල දර්ශකය ඉහළ ගිය වැඩිම ඒකක ගණන වේ.

2021 ජනවාරි 22 දින සියලු කොටස් කොටස් මිල දර්ශකය ඒකක 332.18 කින් ඉහළ ගොස් තිබුණු අතර එය මීට පෙර පැවති වාර්තාව යි.

මේ අනුව දිනයේ ගනුදෙනු අවසානයේ දී සියලු කොටස් මිල දර්ශක අගය ඒකක 12,625.82 ක් ලෙසින් සටහන් වූ අතර එය පූර්ව ගනුදෙනු දිනයට සාපේක්ෂව 3.27% ක වර්ධනයක් වේ.

මේ අතර S&P SL20 දර්ශකය අද දිනයේ දී ඒකක 114.99 ක වර්ධනයක් වාර්තා කරමින් දිනය අවසානයේ දී ඒකක 4,348.24 ක් ලෙසින් සටහන් විය.

රු. බිලියන 9.63 ක ගනුදෙනු පිරිවැටුමක් අද දින වාර්තා වී තිබුණි.

 

තවත් පුවත්