දකුණු ආසියාවේ බලවතාව ගොවියන් විසින් පාලමක සිර කරයි…( Video )

ඉන්දීය අගමැති නරේන්ද්‍ර මෝදි ගමන් කරමින් සිටි රථ පෙළට උද්ඝෝෂකයින් පිරිසක් බාධා කර ඇතැයි වාර්තා වෙයි. ද හින්දු පුවත් සේවය වාර්තා කළේ එය “ආරක්ෂක

මිතුරන් සමග ‌බෙදාගන්න

ඉන්දීය අගමැති නරේන්ද්‍ර මෝදි ගමන් කරමින් සිටි රථ පෙළට උද්ඝෝෂකයින් පිරිසක් බාධා කර ඇතැයි වාර්තා වෙයි.

ද හින්දු පුවත් සේවය වාර්තා කළේ එය “ආරක්ෂක අඩුපාඩුවක්” ලෙස සලකා පරීක්ෂණයක් ආරම්භ කර ඇති බවය.

ඉන්දීය අග්‍රාමාත්‍යවරයා පන්ජාබ් හි ෆෙරොසෙපූර් නම් ප්‍රදේශයේ සංවිධානය කර තිබු උත්සවයකට පැමිණෙමින් සිටියදී එම අකරතැබ්බට මුහුණ දී තිබුණි.

එරට ස්වදේශ කටයුතු අමාත්‍යංශය පැවසුවේ “ආරක්ෂක අඩුපාඩුව” හේතුවෙන් එම උත්සවය අවලංගු කළ බවය.

එම සිද්ධිය සම්බන්ධයෙන් සවිස්තරාත්මක වාර්තාවක් සපයන ලෙසත් ඊට වගකිවයුතු පාර්ශව ගැන දැඩි තීරණ ගන්නා ලෙස ප්‍රාන්ත රජයට අමාත්‍යංශය විසින් දන්වා ඇති බව සඳහන් විය.

ඉන්දීය අගමැතිවරයා හෙලිකොප්ටරයකින් යාමට නියමිතව සිටියද අයහපත් කාලගුණය හේතුවෙන් එම ස්ථානයට මෝටර් රථයෙන් යාමට තීරණය කර තිබුණි.

එසේ යන අතරතුරදී ගුවන් පාලමක් මතදී ඔහුගේ මෝටර් රථ පෙළ නැවැත්වීමට ආරක්ෂක නිලධාරීන් පියවර ගෙන තිබුණේ ගොවීන් පිරිසක් මාර්ගය ආසන්නයේ උද්ඝෝෂණයක් සිදුකර තිබුණි.

ඒ හේතුවෙන් ඇතිවූ රථ වාහන තදබදය හේතුවෙන් ඉන්දීය අගමැතිවරයාට ගුවන් පාලම මත විනාඩි 20ක පමණ කාලයක් රැඳී සිටීමට සිදුවූ බව මාධ්‍ය වාර්තා පැවසීය.

තවත් පුවත්