PHI සංගමයේ සභාපති
දෛනික කොවිඞ් ආසාදිතයන්ගේ වාර්තාවීම ඉහළ යෑම හේතුවෙන් රෝහල් ධාරිතාව සහ ප‍්‍රතිකාර මධ්‍යස්ථාන පිරී යෑම නිසා මෙරට කොවිඞ් රෝග පාලනය සෞඛ්‍ය පද්ධතියෙන් ගිලිහීයෑමේ අවදානමක් මතුව ඇතැයි මහජන සෞඛ්‍ය පරීක්‍ෂකවරුන්ගේ සංගමයේ සභාපති උපුල් රෝහණ මහතා ‘‘දිවයින’’ට ඊයේ (27 දා) පැවසීය.
සමාජ ඒකරාශීවීම් සහ සංචරණ අවම නොකර කටයුතු කරන්නේ නම් හෝ ලබාදී ඇති සෞඛ්‍ය මාර්ගෝපදේශ නිසි ලෙස ක‍්‍රියාත්මක නොකරන්නේ නම් රට යළි විශාල ව්‍යසනයකට යෑම වැළැක්විය නොහැකි බවද හෙතෙම කීය.
දැඩි සංචරණ සීමා පැනවීමකට හෝ රට නැවත අ`ගුලූ දැමීමකට යෑමට මෙරට ආර්ථික තත්ත්වය නරක ලෙස බලපා ඇති නිසා රටේ සියලූ දෙනා කොවිඞ් වෛරසය පිළිබඳ හොඳ සිහියෙන් කටයුතු කළ යුතු බවද ඒ මහතා කියා සිටියේය.
