කොවිඩ් ආසාදනය වී සිටි ශ්‍රී ලංකා ක්‍රිකට් කණ්ඩායමේ තුන් ඉරියව් ක්‍රීඩක චාමික කරුණාරත්න සුවය ලබා ඇති බව වාර්තා වනවා.ඒ අනුව ඔහු හෙට (08) දිනයේ දී විස්සයි විස්ස තරගාවලිය වෙනුවෙන් ඕස්ට්‍රේලියාව බලා පිටත්ව යෑමට නියමිත බවයි වාර්තා වන්නේ.මේ අතර සිය නිල ෆේස්බුක් පිටුව ඔස්සේ චාමික කරුණාරත්න, ඉක්මන් සුවය සඳහා උදව් කළ සහ ආශීර්වාද එක්කළ සැමට ඔහු ස්තූතිකර තිබුණා.තරග 05කින් යුත් විස්සයි විස්ස තරගාවලිය සඳහා ශ්‍රී ලංකා කණ්ඩායම පසුගිය 03 වනදා ඕස්ට්‍රේලියාව බලා පිටත්ව ගිය අතර මේ වනවිට ඔවුන් එහි පෙර පුහුණුවීම් ආරම්භ කර තිබෙනවා.මෙම තරගාවලිය වෙනුවෙන් ශ්‍රී ලංකා කණ්ඩායමේ උපාය මාර්ගික පන්දු යැවීමේ පුහුණුකරු ලෙස පත් කළ ලසිත් මාලිංග ද ශ්‍රී ලංකා කණ්ඩායම සමඟ පසුගිය දා එක්ව පුහුණුවීම් ආරම්භ කළා.
