ගමේ ගැහැනුන් 60%ක් ගෙදරින් ගුටි කනවා..

ශ්‍රී ලංකාවේ ග්‍රාමීය ප්‍රදේශවල ජීවත් වන කාන්තාවන් සිය දෙනකුගෙන් හැටක් පමණ ගෘහස්ථ ප්‍රචණ්ඩත්වයට හසු වන බව උතුරු මැද පළාත් ළමා අයිතිවාසිකම් හා ගෘහස්ථ ප්‍රචණ්ඩත්වය

මිතුරන් සමග ‌බෙදාගන්න

ශ්‍රී ලංකාවේ ග්‍රාමීය ප්‍රදේශවල ජීවත් වන කාන්තාවන් සිය දෙනකුගෙන් හැටක් පමණ ගෘහස්ථ ප්‍රචණ්ඩත්වයට හසු වන බව උතුරු මැද පළාත් ළමා අයිතිවාසිකම් හා ගෘහස්ථ ප්‍රචණ්ඩත්වය පිළිබඳ පුහුණු උපදේශිකා ගංගානි දිසානායක මහත්මිය සඳහන් කළාය.

ඊට ප්‍රධාන හේතු වී ඇත්තේ දිනෙන් දින වර්ධනය වන මත්ද්‍රව්‍ය උවදුරට පිරිමි පුද්ගලයන් ගොදුරු වීම බවද ඇය කියයි.

කාන්තා කාර්යාංශය මගින් කරන ලද සමීක්ෂණයක් අනුව දිඹුලාගල ප්‍රාදේශීය ලේකම් කොට්ඨාසයේ පමණක් කාන්තා ගෘහ මූලික පවුල් පන්සීයකට ආසන්න සංඛ්‍යාවක් සිටින බව ද ඇය පවසයි.

ජාතික සාම මණ්ඩලය මගින් ක්‍රියාත්මක වන පොළොන්නරුව දිස්ත්‍රික් අන්තර් ආගමික කමිටුවේ මැදිහත්වීමෙන් පැවති දිස්ත්‍රික්කයේ සිවිල් ප්‍රජා ක්‍රියාකාරීන් පිරිසක් අමතමින් ගංගානි දිසානායක මහත්මිය ඒ බව සඳහන් කළාය.

මෙම තත්ත්වයන් අවම කරගැනීමට පොලිසිවල පිහිටුවා ඇති ළමා හා කාන්තා කාර්යාංශවල නිලධාරීන්ගේ දැනුම වර්ධනය කර මත්ද්‍රව්‍ය සඳහා පවතින නීති රීති දැඩි කර අපරාධවලට දඬුවම් වැඩි කළ යුතු බව ද ඇය සඳහන් කළාය.

නිමල් ජයරත්න – මනම්පිටිය

තවත් පුවත්