මැති ඇමතින්ට,නිලධාරීන්ට අතිරේක ඉන්ධන දීම ගැන තීරණයක් ගනී..

ඉන්ධන අර්බුදය නිසා පැනනැගී ඇති තත්ත්වය මග හැරෙන තෙක් මැති ඇමතිවරුන් ඇතුළු සියලු ම රජයේ නිලධාරීන්ට අතිරේක ඉන්ධන ලබා දීම වහා ම ක්‍රියාත්මක වන

මිතුරන් සමග ‌බෙදාගන්න

ඉන්ධන අර්බුදය නිසා පැනනැගී ඇති තත්ත්වය මග හැරෙන තෙක් මැති ඇමතිවරුන් ඇතුළු සියලු ම රජයේ නිලධාරීන්ට අතිරේක ඉන්ධන ලබා දීම වහා ම ක්‍රියාත්මක වන පරිදි අත්හිටුවන බව රාජ්‍ය සේවා, පළාත් සභා සහ පළාත් පාලන අමාත්‍යංශයේ ලේකම් ජේ.ජේ. රත්නසිරි මහතා පැවසීය.

අත්‍යවශ්‍ය ම රාජකාරි අවශ්‍යතාවක් නොමැතිව සති අන්තයේ සෙනසුරාදා සහ ඉරිදා දිනයන්හි රජයේ කාර්යාල විවෘතව තැබීම තහනම් කෙරෙන බව ද ලේකම්වරයා සඳහන් කළේ ය.

විදුලිය සහ ඉන්ධන පිරිමැසීම සඳහා මෙම පියවර ගැනීමට සිදුවූ බව ද රත්නසිරි මහතා අවධාරණය කළේ ය.

පසුගිය මාස දෙකෙහි විදුලි බිල්පත් පරීක්ෂාකර, එම බිල්පත් සංසන්දනය කර, විදුලි බිල්පත සඳහා වැය කරන මුදල අඩුකර ගැනීම සඳහා සියලු ම ආයතන ප්‍රධානීන් වගබලාගත යුතු බව ද ලේකම්වරයා පැවසීය.

මේ දිනවල පවතින ඉන්ධන ප්‍රශ්නය නිසා බස් හා දුම්රිය මගින් සේවයට පැමිණෙන රජයේ සේවකයන්ට රාජකාරියට පැමිණීමේදී සිදුවන ප්‍රමාදවීම වෙනුවෙන් ආයතන සංග්‍රහයේ විධිවිධානවලට අනුව පැය භාගයක සහන කාලයක් ලබා දෙන බව ද රත්නසිරි මහතා සඳහන් කළේ ය.

තවත් පුවත්