සමාජ මාධ්ය ඔස්සේ පැතිර යන “සිරි දළදා වන්දනාව” සමාරම්භක උත්සවයට සහභාගී වන ලෙසට ආරාධනා කරන පත්රිකාවක් ව්යාජ ලෙස සකස් කර ඇති බව ජනාධිපති මාධ්ය අංශය නිවේදනය කරයි.
ජනාධිපති ලේකම් ආචාර්ය නන්දික සනත් කුමානායක මහතාගේ නමින් මෙම ව්යාජ ආරාධනා පත්රය නිර්මාණය කර ඇති අතර, එහි සඳහන් වන්නේ මහනුවර ජනාධිපති මන්දිරයට පැමිණ “සිරි දළදා වන්දනාව” සමාරම්භක අවස්ථාවට සහභාගී වන ලෙසයි.
ජනාධිපති මාධ්ය අංශය අවධාරණය කරන්නේ “සිරි දළදා වන්දනාව” වෙනුවෙන් කිසිදු විශේෂ ආරාධනා පත්රයක් නිකුත් කර නොමැති බවයි.
තවද, මෙම ව්යාජ ලියවිල්ල පදනම් කරගෙන සිරි දළදා වන්දනාව සඳහා විශේෂ (VIP) පෝලිමක් සකස් කර ඇති බවට සමාජ මාධ්ය තුළ සංසරණය වන පුවත් ද සත්ය නොවන බව එම නිවේදනයේ වැඩිදුරටත් දැක්වේ.
