දිවයින පුරා පසුගිය දිනවල පැවැති වැසි සහිත කාලගුණයේ පැහැදිලි අඩුවීමක් අද (23) සිට බලාපොරොත්තු විය හැකි බව කාලගුණ විද්යා දෙපාර්තමේන්තුව නිවේදනය කරයි.
නිරිතදිග බෙංගාල බොක්ක මුහුදු ප්රදේශයේ පැවැති අඩු පීඩන කලාපය ශ්රී ලංකාවෙන් ඉවතට ගමන් කිරීම මීට ප්රධාන හේතුව වී තිබේ.
කාලගුණ තත්ත්වය යහපත් වෙමින් පැවතියද, ප්රදේශ කිහිපයකට තවදුරටත් වැසි අපේක්ෂා කෙරේ,
උතුරු, උතුරු-මැද, වයඹ පළාත් සහ ත්රිකුණාමලය දිස්ත්රික්කය සදහා වැසි වාර කිහිපයක ද,
සන්ධ්යා කාලයේ දි ගාල්ල, මාතර, රත්නපුර සහ හම්බන්තොට දිස්ත්රික්කවල ඇතැම් ස්ථානවලට පස්වරු 2.00න් පසු වැසි හෝ ගිගුරුම් සහිත වැසි ඇතිවිය හැකිය.
මධ්යම, සබරගමුව, ඌව පළාත් මෙන්ම අම්පාර සහ හම්බන්තොට දිස්ත්රික්කවල අලුයම් කාලයේදී මීදුම් සහිත කාලගුණයක් පවතිනු ඇත.
ගිගුරුම් සහිත වැසි වර්ධනය වන අවස්ථාවලදී ඇතිවිය හැකි තාවකාලික තද සුළං සහ අකුණු අනතුරු පිළිබඳව අවධානයෙන් පසුවන ලෙසත්, ඉන් සිදුවන හානි අවම කර ගැනීමට අවශ්ය පියවර ගන්නා ලෙසත් දෙපාර්තමේන්තුව ජනතාවගෙන් කාරුණිකව ඉල්ලා සිටී.
