හොරණ, පෝරුවදණ්ඩ ප්රදේශයේ නිවසක සිදු වූ දරුණු ගැටුමකින් 32 හැවිරිදි පුද්ගලයෙකු ජීවිතක්ෂයට පත්ව තිබේ. ඊයේ උදෑසන කාලයේදී පුද්ගලයෙකුට පහර දී ඝාතනය කර ඇති බවට හොරණ පොලිස් ස්ථානයට ලැබුණු තොරතුරක් මත මෙම විමර්ශන ආරම්භ කර ඇත.
පොලිස් පරීක්ෂණවලදී අනාවරණය වී ඇත්තේ, මියගිය පුද්ගලයා සිය අසල නිවසකට ගොස් එහි දොර ජනෙල්වලට පහර දෙමින් ආරවුලක් ඇති කරගෙන ඇති බවයි. එම අවස්ථාවේදී අදාළ නිවසේ සිටි කාන්තාව මේ පිළිබඳව මරණකරුගේ බිරිඳට දැනුම් දී තිබේ. පසුව එහි පැමිණි බිරිඳ සහ අනෙක් කාන්තාව එක්ව ඉදලකින් සිදුකළ පහරදීමක් හේතුවෙන් මෙම පුද්ගලයා මියගොස් ඇති බව මූලික විමර්ශනවලදී හෙළි වී ඇත.
ඝාතනයට සම්බන්ධ බවට සැකකෙරෙන මරණකරුගේ බිරිඳ සහ අනෙක් කාන්තාව මේ වන විට හොරණ පොලිසිය විසින් අත්අඩංගුවට ගෙන තිබේ. පවුල් ආරවුලක් දුරදිග යාමෙන් සිදු වූ මෙම ඝාතනය සම්බන්ධයෙන් හොරණ පොලිසිය වැඩිදුර පරීක්ෂණ මෙහෙයවනු ලබයි.
