නිට්ටඹුව, රණවිරුගම හන්දිය ආසන්නයේ තිබී හඳුනා නොගත් පිරිමි පුද්ගලයෙකුගේ මළ සිරුරක් පොලිසිය විසින් සොයාගෙන තිබේ. මියගිය පුද්ගලයා පිළිබඳ මෙතෙක් තොරතුරු අනාවරණය වී නොමැති බව නිට්ටඹුව පොලිසිය සඳහන් කරයි.
මියයන විට මොහු වයස අවුරුදු 60ත් 65ත් අතර පසුවූ අයෙකු වන අතර, උස අඩි 5යි අඟල් 3ක් පමණ වේ. මියගිය අවස්ථාවේ ඔහු සුදු පැහැති ඉරි සහිත සරමක් හැඳ සිට ඇති අතර මුහුණ පුරා වැවුණු රැවුලක් සහිතව සිටි බව පොලිස් විමර්ශනවලදී අනාවරණය වී ඇත.
දේහය මේ වන විට වතුපිටිවල රෝහලේ මෘත ශරීරාගාරයේ තැන්පත් කර තිබේ. මරණයට හේතුව මෙතෙක් නිශ්චිතව අනාවරණය වී නොමැති අතර, සිද්ධිය සම්බන්ධයෙන් නිට්ටඹුව පොලිසිය වැඩිදුර පරීක්ෂණ මෙහෙයවනු ලබයි.
