වසර 16කට පසු පැවැත්වෙන සිරි දළදා වන්දනා උත්සවය හෙට (18) ආරම්භ වේ.
හෙට දහවල් 12.30 ට පමණ ආරම්භ වන මෙම උත්සවයට ජනාධිපති අනුර කුමාර දිසානායක මහතා ද සහභාගී වීමට නියමිතය.
විදේශ රටවල රාජ්ය තාන්ත්රිකයින් රැසක් ද මෙම අවස්ථාවට සහභාගී වීමට අපේක්ෂා කරන අතර, ඔවුන් කොළඹ සිට විශේෂ දුම්රියකින් රැගෙන යාමට සියලු කටයුතු සූදානම් කර ඇත.
ජනාධිපතිවරයාගේ ඉල්ලීම පරිදි මල්වතු සහ අස්ගිරි මහානායක ස්වාමීන් වහන්සේලාගේ උපදෙස් මත සහ මහනුවර දළදා මාලිගාවේ දියවඩන නිලමේතුමාගේ මඟපෙන්වීමෙන් සංවිධානය කරන සිරි දළදා වන්දනාව හෙට සිට අප්රේල් 27 දක්වා දින 10 ක් පුරා පැවැත්වීමට නියමිතය.
ආරම්භක දිනය වන හෙට (18) පස්වරු 3.00 සිට පස්වරු 5.00 දක්වා බැතිමතුන්ට දළදා සමිඳුන් වැඳ පුදා ගැනීමට අවස්ථාව සලසා ඇති අතර ඉන්පසු (19) සිට දිනපතා දහවල් 12.00 සිට පස්වරු 5.00 දක්වා එම අවස්ථාව උදා වේ.
