මැදපෙරදිග කලාපයේ රැඳී සිටින අමෙරිකානු ප්රහාරක නෞකාවක් වන USS ඒබ්රහම් ලින්කන් (Abraham Lincoln) ගුවන් යානා ප්රවාහන නෞකාව, ඉරානයේ හමුදා ඉලක්ක වෙත එල්ල කරන ප්රහාරාත්මක මෙහෙයුම් කිසිදු බාධාවකින් තොරව අඛණ්ඩව සිදු කරන බව අමෙරිකානු ආරක්ෂක අංශ තහවුරු කරයි.
ඉරාන හමුදාව විසින් මීට පෙර ප්රකාශ කර තිබුණේ, තම කෲස් මිසයිල ප්රහාර හමුවේ අදාළ නෞකාවට සිය ස්ථානය වෙනස් කිරීමට සිදු වූ බවයි. ඉරානය කළ එම ප්රකාශයට ප්රතිචාර දක්වමින් අමෙරිකානු බලධාරීන් මෙම පැහැදිලි කිරීම සිදු කර තිබේ.
අමෙරිකානු බලධාරීන් පෙන්වා දෙන්නේ ඉරානයේ ප්රහාරයන්ගෙන් තම මෙහෙයුම්වලට කිසිදු බලපෑමක් එල්ල වී නොමැති බවයි. නෞකාව ආරක්ෂිතව කලාපීය මුහුදු සීමාවේ රැඳී සිටිමින්, සැලසුම් කළ පරිදිම ඉරාන ඉලක්ක වෙත ගුවන් ප්රහාර දියත් කිරීමේ මධ්යස්ථානයක් ලෙස ක්රියා කරන බව ඔවුන් වැඩිදුරටත් සඳහන් කළේය.
මෙම තත්ත්වයත් සමඟ කලාපීය මුහුදු සීමාවේ පවතින යුදමය උණුසුම තවදුරටත් ඉහළ ගොස් ඇති අතර, දෙපාර්ශවයම සිය ප්රහාරක ශක්තිය ප්රදර්ශනය කරමින් සිටී.
