මැද පෙරදිග පවතින උණුසුම් යුද වාතාවරණය මධ්‍යයේ, උතුරු ඉරානයේ භූමිකම්පාවක් සිදුව ඇති බව විදෙස් මාධ්‍ය වාර්තා කරනවා.

මෙම භූමිකම්පාව රිච්ටර් මාපක 5.1ක ප්‍රබලත්වයක් ගෙන ඇති බවයි අමෙරිකානු භූ විද්‍යා සමීක්ෂණ ආයතනය (USGS) සඳහන් කළේ.

භූකම්පනය සිදුව ඇත්තේ, සෙම්නාන් නගරයට කිලෝමීටර් 37ක් නිරිත දෙසින්, පොළව මතුපිට සිට කිලෝමීටර් 10ක් ගැඹුරින් බව එම ආයතනය වැඩිදුරටත් ප්‍රකාශ කළා.

යුද ගැටුම් හේතුවෙන් දැනටමත් දැඩි පීඩාවට පත්ව සිටින කලාපයක මෙවැනි ස්වභාවික විපතක් සිදුවීමත් සමඟ, තත්ත්වය තවදුරටත් සංකීර්ණ වී තිබෙනවා. භූමිකම්පාවෙන් සිදුවූ හානි හෝ ජීවිත හානි පිළිබඳව මෙතෙක් තොරතුරු වාර්තා වී නැහැ.