ඉන්දියාවෙන් හද කම්පා කරවන පුවතක් වාර්තා වනවා. මහාරාෂ්ට්ර ප්රාන්තයේ ධාරාෂිව් ප්රදේශයේදී නව හැවිරිදි දියණියකට පොරවකින් පහර දී ඝාතනය කළ පියෙකු පිළිබඳවයි මේ පුවත. මෙම අමානුෂික ඝාතනය පසුගිය ඉරිදා සිදුව ඇති බව විදෙස් මාධ්ය වාර්තා කරයි.
සිද්ධිය සම්බන්ධයෙන් සිදු කළ මූලික විමර්ශනවලදී අනාවරණය වී ඇත්තේ, එදින දැරිය බයිසිකලයක් පදිමින් සිටියදී එයින් වැටී ඇති බවයි. ඊට කෝපයට පත් වූ පියා, දැරිය නිදා සිටියදී පොරවකින් පහර දී ඝාතනය කර තිබෙනවා. අපරාධය සිදු කරන අවස්ථාවේ සැකකාර පියා බීමතින් සිට ඇති බවද අනාවරණය වී ඇත.
පොලීසිය තවදුරටත් සඳහන් කළේ, ගෞරි නම් මෙම දැරිය නිතර නිතර අසනීප වූ අතර, ඊට ද ඇයගේ පියා වන ගයනේෂ්වර් ජාදව් කලකිරීමෙන් පසු වූ බවයි. ඝාතනයෙන් පසු පැය 24ක් පුරා පියා විසින් දැරියගේ මෘත ශරීරය නිවස තුළ සඟවාගෙන සිට ඇති බවද විමර්ශන සිදු කරන පොලීසිය පවසයි.
අපරාධය සිදු කළ සැකකාර පියා මේ වන විට අත්අඩංගුවට ගෙන ඇති අතර, සිද්ධිය සම්බන්ධයෙන් වැඩිදුර විමර්ශන ක්රියාත්මකයි.
