ප්රසිද්ධ පෞද්ගලික උපකාරක පන්ති ගුරුවරයෙක් 2024 උසස් පෙළ ප්රතිඵල අනුව ඔහුගේ පන්තියට සහභාගි වූ සිසුවෙක් එක්තරා විෂය ධාරාවකින් දිවයිනේ පළමු ස්ථානය ලබාගත් බව ප්රකාශ කර ඇත. ඔහුගේ සමාජ මාධ්ය ගිණුමේ සටහනක් තබමින් ඔහු කියා ඇත්තේ එම ජයග්රහණය ඔහුගේ දිස්ත්රික්කයට හිමි වූ දෙයක් ලෙස තමා දකින බවයි.
කෙසේ වෙතත්, මෙම ප්රකාශය සමාජ මාධ්ය තුළ දැඩි විවේචනයට ලක්ව තිබේ. විචාරකයින් පෙන්වා දෙන්නේ මෙවැනි උපකාරක පන්ති ගුරුවරුන් තම පන්තිවල සමස්ත සමත් අසමත් ප්රතිශත කිසි විටෙකත් වාර්තා නොකරන බවත්, එසේ කළහොත් එය බොහෝ විට දිවයිනේ සමස්ත අසමත් ප්රතිශතය ඉක්මවා යා හැකි බවත්ය.
තවද, සිසුන් 2000ක් පමණ සහභාගී වන පන්තියක ඉහළම සමත් ප්රතිශතය කොළඹ රාජකීය, ආනන්ද, විශාඛා වැනි ප්රමුඛ පාසල්වල එම විෂය ධාරාවේ සමත් ප්රතිශත සමඟ සැසඳීමෙන් මෙම නොමඟ යැවීම පැහැදිලි වනු ඇති බවත්, එසේ වුවද මෙම ගුරුවරුන්ගේ උලුප්පා දැක්වීම මෙන්ම එම සැසඳීම ද සාධාරණ නොවන බවත් එම සමාජ මාධ්ය සටහන්වල වැඩිදුරටත් දැක්වේ.
