ඊශ්‍රායල් විදේශ ගමන් බලපත්‍ර හිමි පුද්ගලයින්ට මාලදිවයිනට ඇතුළුවීම තහනම් කිරීමට මාලදිවයින රජය තීරණය කර ඇත.
මාලදිවයිනේ පාර්ලිමේන්තුව වන මහජන මජ්ලිස් විසින් 2025 අප්‍රේල් 15 වන දින පැවති සැසිවාරයේදී ආගමන නීතියට සංශෝධනයක් සම්මත කිරීමෙන් පසු මාලදිවයිනේ ජනාධිපති ආචාර්ය මොහොමඩ් මුයිසු විසින් මෙම තීරණය අනුමත කරන ලදී.
මෙම සංශෝධනය මගින් ආගමන නීතියට නව නීතිමය ප්‍රතිපාදනයක් එකතු කරන අතර, ඊශ්‍රායල් විදේශ ගමන් බලපත්‍ර හිමි පුද්ගලයින්ට මාලදිවයිනට ඇතුළුවීම පැහැදිලිවම තහනම් කරන බව ජනාධිපති කාර්යාලය නිවේදනය කරයි.
ඊශ්‍රායලය විසින් පලස්තීන ජනතාවට එරෙහිව සිදුකරන අඛණ්ඩ ප්‍රචණ්ඩ ක්‍රියා සහ ජන සංහාරයන්ට ප්‍රතිචාරයක් ලෙස මෙම තීරණය ගෙන ඇති බව රජය පවසා ඇත.
