දුම්රිය සේවාව නිසි පරිදි ක්රියාත්මක කිරීමට නොහැකි නිලධාරීන්ට සේවයෙන් ඉවත්ව යා හැකි බව ප්රවාහන අමාත්ය බිමල් රත්නායක මහතා ප්රකාශ කර තිබෙනවා.
ඔහු මෙම අදහස් පළ කළේ කළුතර දිස්ත්රික් ලේකම් කාර්යාලයේදී පැවති සාකච්ඡාවකදීයි.
අමාත්යවරයා පෙන්වා දුන්නේ, දුම්රිය නිසි පරිදි නඩත්තු කිරීමට දුම්රිය දෙපාර්තමේන්තුවේ නිලධාරීන් අපොහොසත් වී ඇති බවයි. මෙම තත්ත්වය හේතුවෙන් දුම්රිය සේවයේ කාර්යක්ෂමතාව පහළ ගොස් ඇති බවත්, මගීන්ට විශාල අපහසුතා සිදුවන බවත් ඔහු සඳහන් කළා.
දුම්රිය සේවය රටේ මහජනතාවට අත්යවශ්ය සේවාවක් බැවින්, එහි අඩුපාඩු වහාම නිවැරදි කර, වගකීමෙන් යුතුව කටයුතු කරන ලෙස අමාත්යවරයා නිලධාරීන්ට අවවාද කළා. මෙම සාකච්ඡාවට කළුතර දිස්ත්රික්කය නියෝජනය කරන පාර්ලිමේන්තු මන්ත්රීවරුන් සහ ප්රවාහන ක්ෂේත්රයට සම්බන්ධ රාජ්ය නිලධාරීන් රැසක් ද එක්ව සිටියා.
“ඔයාලගේ කෝච්චිවල ජනෙල් වහන්න බෑ. ඒ අය කියනවා ඒක හදලා දෙන්න කියලා. ජනෙල් වැහුවට පස්සේ රස්නෙයි පිච්චෙනවා. එක ෆෑන් එකක් වැඩ නෑ. ගාල්ලේ ඉඳලා කොළඹට පැය දෙක හමාරක් එද්දි එක වොෂ්රූම් එකක වතුර නෑ. දුම්රිය කියන්නේ ඔෆිස් දුම්රිය නේ. පිළිවෙලකට රස්සාවට යන මිනිස්සුන්ව ගේන්න බැරිද? මිනිස්සු ගැන සත පහක හැඟීමක් නැති පිරිසක්. ජාඇළ පැත්තේ පුංචි දරුවෙක් ඉස්සෙල්ලාම කෝච්චියේ යද්දි ජනේලේ වැටිලා ඇඟිලි දෙකක් අයින් කරා. කෝච්චියේ පළවෙනි ගමන යන දරුවාගේ ඇඟිලි දෙකක් නැති වුණාට පස්සේ, අපි අම්මලා තාත්තලා වශයෙන් වගකියන්නත් ඕනේ නේ. මම ඒ තාත්තාට කතා කරා. එයා අහනවා සර් මොකටද මේ රටේ ජීවත් වෙලා ඇහුවා. මම නැවත නැවත කියන්නේ කරුණාකරලා, මාසයක් ඇතුළත ඔබතුමා කුමන හෝ ආකාරයක අලුත්වැඩියාවක් කරන්නම ඕනේ. වොෂ්රූම්, ජනෙල්, ෆෑන්. දවස් තුනකින් කියන්න ඔයා කරගන්නේ මොකක්ද කියලා මට වට්ස්ඇප් කරන්න. දුම්රිය දෙපාර්තමේන්තුවේ අදාළ ඔක්කෝටම කියන්නේ, සර්විස් එක දෙන්න නැත්නම් යන්න. මේ අන්තිම වෝර්නින් එක. තිත්ත වෙලා තියෙන්නේ ඇත්තටම.”
