ඇමෙරිකානු ජනාධිපති ඩොනල්ඩ් ට්රම්ප් සහ ඊශ්රායල අගමැති බෙන්ජමින් නෙතන්යාහු අතර මෑතකදී සිදු වූ ඉතා උණුසුම් දුරකථන සංවාදයක් පිළිබඳව ලෝක දේශපාලන කරළිය තුළ දැඩි කතාබහක් නිර්මාණය වී තිබේ.
පසුගිය සඳුදා සිදු වූ මෙම දුරකථන ඇමතුම අතරතුරදී, ඩොනල්ඩ් ට්රම්ප් විසින් ඊශ්රායල අගමැතිවරයාට ‘පිස්සු’ (Crazy) යැයි පවසමින් දැඩි ලෙස බැණ වැදී ඇති බව විදෙස් මාධ්ය වාර්තා කර ඇත.
මේ සම්බන්ධයෙන් මාධ්යවේදියෙකු විසින් කරන ලද සෘජු විමසීමකදී, තමන් ඊශ්රායල අගමැතිවරයාට එලෙස දැඩි වචනයෙන් බැණ වැදුණු බව ඇමෙරිකානු ජනාධිපති ඩොනල්ඩ් ට්රම්ප් නිල වශයෙන් පිළිගෙන තිබේ.
එහිදී අදහස් දක්වමින් ට්රම්ප් ප්රකාශ කර ඇත්තේ, “ඔව්, මම එහෙම කළා. මම ඔහු සමඟ දැඩි ලෙස කෝපයෙන් පසුවනවා යැයි මා කියන්නේ නැහැ. නමුත් ඔහු (නෙතන්යාහු) නිරන්තරයෙන්ම ලෙබනනය සමඟ යුද වැදීමට සහ සටන් කිරීමට උත්සාහ කිරීම ගැන මම මඳක් කලබලයට පත්වුණා” යනුවෙනි.
ඇමෙරිකාව යනු සාම්ප්රදායිකව ඊශ්රායලයේ සමීපතම සහ ප්රධානතම ගෝලීය මිත්ර රට වන නමුත්, ලෙබනනය සහ ඒ අවට කලාපය තුළ පවතින යුදමය තත්ත්වය තවදුරටත් දීර්ඝ කිරීමට නෙතන්යාහු කටයුතු කිරීම කෙරෙහි වත්මන් ඇමෙරිකානු පරිපාලනයේ පවතින දැඩි නොසන්සුන්තාව සහ අමනාපය ට්රම්ප්ගේ මෙම ප්රකාශයත් සමඟ ප්රසිද්ධියේම ලෝකය හමුවේ අනාවරණය වී ඇත.
කලාපීය ස්ථාවරත්වය උදෙසා යුද්ධය කඩිනමින් නතර කරන ලෙසට ඇමෙරිකාවෙන් එල්ල වන රාජ්ය තාන්ත්රික බලපෑම් ඊශ්රායලය දිගින් දිගටම නොසලකා හැරීම මෙම උණුසුම් තත්ත්වයට මුල් වී ඇති බව විදෙස් දේශපාලන විචාරකයෝ පෙන්වා දෙති.
