ලබන වසරේ ශ්රී ලංකාවේ පැවැත්වීමට නියමිත අයිසීසී විස්සයි20 ලෝක කුසලානයට පෙර කණ්ඩායමේ පිතිකරණ අංශය ශක්තිමත් කිරීමේ අරමුණින්, එළැඹෙන පාකිස්තාන සංචාරය සඳහා නම් කළ ශ්රී ලංකා මූලික සංචිතයට භානුක රාජපක්ෂ සහ ධනංජය ද සිල්වා යළිත් කැඳවා ඇති බව වාර්තා වේ.
ලබන නොවැම්බර් 11 වනදා ආරම්භ වීමට නියමිත මෙම සංචාරයේදී:
- තරග තුනකින් යුත් එක්දින තරගාවලියක්
- පාකිස්තානය, ඇෆ්ගනිස්තානය සහ ශ්රී ලංකාව සහභාගී වන විස්සයි20 තුන්කොන් තරගාවලියක්
පැවැත්වීමට කටයුතු සූදානම් කර ඇත.
තේරීම් කමිටු සභාපති උපුල් තරංගගේ ප්රධානත්වයෙන් රැස්වූ තේරීම් කමිටුව විසින් විස්සයි20 තරගාවලිය සඳහා 22 දෙනෙකුගෙන් යුත් මූලික සංචිතයක් නම් කර ඇති අතර, ඔවුන් දැනට කොළඹ ආර්. ප්රේමදාස ක්රීඩාංගණයේ පුහුණුවීම්වල නිරතව සිටිති.
මෙම නැවත කැඳවීම වැදගත් වන්නේ, භානුක රාජපක්ෂ මේ වසරේ ජනවාරි මාසයෙන් පසුව සහ ධනංජය ද සිල්වා 2024 ජුනි මාසයෙන් පසුව ශ්රී ලංකා විස්සයි20 සංචිතයට එක්ව නොසිටි බැවිනි.
ලෝක කුසලානයට පෙර මෙම ප්රබල පිතිකරුවන් දෙදෙනාට ජාත්යන්තර පිටියේ අත්දැකීම් ලබා දීමට තේරීම් කමිටුව මෙහිදී අවධානය යොමු කර ඇති බව පැහැදිලිය.
