රුසියානු ජනාධිපති ව්ලැඩිමීර් පුටින් යුක්රේනය සමඟ පවතින යුද්ධය වෙනුවෙන් දින තුනක සටන් විරාමයක් ප්රකාශයට පත් කර ඇති බව විදෙස් පුවත් වාර්තා කරනවා.
ඒ අනුව, ලබන මැයි 08 වැනිදා සිට මැයි 11 වැනිදා දක්වා මෙම සටන් විරාමය ක්රියාත්මක වීමට නියමිතයි. දෙවන ලෝක යුද්ධයේ ජයග්රාහී දිනය සැමරීමට සමගාමීව මෙම තීරණය ගෙන තිබෙනවා.
මානුෂීය කරුණු සලකා බැලීමෙන් අනතුරුව රුසියානු ජනාධිපතිවරයා මෙම සටන් විරාමය ප්රකාශ කළ බවයි විදෙස් මාධ්ය පෙන්වා දෙන්නේ.
කෙසේ නමුත්, යුක්රේනය මෙම සටන් විරාමය කඩ කළහොත් රුසියානු හමුදා ප්රතිප්රහාර එල්ල කිරීමට සූදානම් බව ද වාර්තා වෙනවා.
මීට පෙර පාස්කු ඉරිදා දිනයේදීත් රුසියාව පැය 30ක සටන් විරාමයක් ප්රකාශයට පත් කළා. නමුත් එම කාලය තුළ ප්රහාර තරමක් අඩු වුවත්, දෙපාර්ශ්වයම සටන් විරාමය උල්ලංඝනය කළ බවට එකිනෙකාට චෝදනා කළා.
