ජාතික ජනබලවේගයේ මැයි දින රැළියට සහභාගී වීමට පැමිණි පිරිසක් දක්ෂිණ අධිවේගී මාර්ගයේ වැලිපැන්න සේවා ප්‍රදේශය ආසන්නයේ මාර්ගය අයිනේ වාහන නවතා දිවා ආහාර ගන්නා ආකාරය දැක්වෙන වීඩියෝවක් මේ දිනවල සමාජ මාධ්‍ය තුළ පැතිර යනවා.
මේ සිද්ධිය සම්බන්ධයෙන් දක්ෂිණ අධිවේගී මාර්ගයේ දකුණු ප්‍රදේශය භාර පොලිස් අධිකාරීවරයාගේ මූලිකත්වයෙන් දැනට පරීක්ෂණයක් ආරම්භ කර තිබෙනවා.
කෙසේ නමුත්, එලෙස නතර කර තිබූ බස් රථවලට එරෙහිව නීතිමය පියවර ගන්නා බව අධිවේගී මාර්ග පොලීසිය අවධාරණය කර සිටිනවා. රථ වාහන නීතියට අනුව අධිවේගී මාර්ගයේ ඕනෑම තැනක හෝ මාර්ගයේ කිසිදු කොටසක වාහන නැවැත්වීම තහනම්. හදිසි අවශ්‍යතාවයකදී පමණයි හදිසි මංතීරුවේ වාහන නැවැත්වීමට අවසර ලැබෙන්නේ.
වාර්තා වන ආකාරයට එම බස් රථ වැලිපැන්න සේවා කලාපයේ වාහන නැවැතුම් ස්ථානයේ ඉඩකඩ ප්‍රමාණවත් නොවීම නිසා මාර්ගයේ නතර කර තිබෙනවා.
