2025 ඉන්දීය ප්‍රිමියර් ලීග් (IPL) ක්‍රිකට් තරගාවලියේ ශූරතාව දිනාගත් ජය සැමරීම වෙනුවෙන් බෙංගලූරු හිදී අද (ජූනි 04) සංවිධානය කර තිබූ උත්සවයේ ඇති වූ තෙරපීමකින් පුද්ගලයින් 11 දෙනෙකු මියගොස් ඇති බව ඉන්දීය මාධ්‍ය වාර්තා කරයි. මෙම ඛේදවාචකයෙන් පුද්ගලයින් 50 කට අධික සංඛ්‍යාවක් තුවාල ලබා තිබේ.

කර්ණාටක ප්‍රාන්ත ක්‍රිකට් සංගමය (KSCA) විසින් මෙම ජය සැමරුම සංවිධානය කර ඇති අතර, චින්නස්වාමි ක්‍රීඩාංගනය අසල රැස්ව සිටි විශාල පිරිසක් සමඟ මෙම තෙරපීම වාර්තාවී ඇත. සිද්ධිය පිළිබඳව වැඩිදුර විමර්ශන ක්‍රියාත්මක වෙමින් පවතින අතර, තුවාල ලැබූවන් රෝහල් ගත කර ප්‍රතිකාර ලබමින් සිටිති.