හිටපු අමාත්‍ය දයා ගමගේ මහතාට අයත් සමාගම් තුනක් ප්‍රසිද්ධියේ වෙන්දේසි කිරීමට කොළඹ වාණිජ මහාධිකරණය නියෝග කර තිබෙනවා.

ඒ අනුව, දයා ගෲප් ලිමිටඩ් (Daya Group (Pvt) Ltd), දයා ඇපරල් එක්ස්පෝටර් (ප්‍රයිවට්) ලිමිටඩ් (Daya Apparel Exports (Pvt) Ltd), සහ ඔලිම්පස් කන්ස්ට්‍රක්ෂන් ප්‍රයිවට් ලිමිටඩ් (Olympus Construction (Pvt) Ltd) යන ආයතන ජූලි මස 02 වනදා උදෑසන 10.00ට වෙන්දේසි කරන බව කොළඹ වාණිජ මහාධිකරණයේ රෙජිස්ට්‍රාර්, නියෝජ්‍ය පිස්කල් විසින් දැනුම් දී ඇත.

මෙම සමාගම් තුන ප්‍රසිද්ධියේ වෙන්දේසි කිරීමට තීරණය කර ඇත්තේ, ලීසිං සමාගමකට අයවිය යුතු රුපියල් 104,229,342ක මුදලක් අයකර ගැනීමේ අරමුණින්. මෙම මුළු මුදලින් රුපියල් 4,080,000ක් පමණ වගඋත්තරකරුවන් විසින් දැනටමත් ගෙවා ඇති අතර, ඉතිරි මුදල අය කර ගැනීම සඳහා 2022 වසරේ නොවැම්බර් මස 10 වනදා ලබා දුන් නඩු තීන්දුවකට අනුව මෙම වෙන්දේසිය ක්‍රියාත්මක වීමට නියමිතයි. මෙම සිදුවීම දේශපාලන හා ව්‍යාපාරික ක්ෂේත්‍රයේ දැඩි අවධානයට ලක්ව තිබෙනවා.