උතුරු ඉන්දියාවේ උත්තරාකන්ඩ් ප්රාන්තයේ කේදර්නාත් දේවාලය ආසන්නයේ සිදුවූ හෙළිකොප්ටර් අනතුරකින් පුද්ගලයන් 7 දෙනෙකු ජීවිතක්ෂයට පත්ව තිබෙනවා. මෙම ඛේදවාචකය අද (ජූනි 15) අලුයම 5:20ට පමණ සිදුව ඇති බව ඉන්දීය මාධ්ය වාර්තා කරයි.
කේදර්නාත් දේවාලයේ සිට උත්තරාකන්ඩ් හි ගුප්ත්කාෂි බලා පියාසර කරමින් තිබූ මෙම හෙළිකොප්ටරය වනාන්තර ප්රදේශයකට කඩා වැටී ඇති බව සඳහන්. ආර්යන් ගුවන් සේවයට අයත් මෙම යානයේ සිටි නියමුවා ඇතුළු පුද්ගලයන් 7 දෙනාම අනතුරින් ජීවිතක්ෂයට පත්ව ඇත. මියගිය අය අතර කුඩා දරුවෙකුද සිටින බව වාර්තා වේ.
යානයේ සිටි මගීන් හයදෙනා උත්තරාකන්ඩ්, උත්තර් ප්රදේශ්, මහාරාෂ්ට්ර සහ ගුජරාට් යන ඉන්දීය ප්රාන්තවලින් පැමිණි අය බවට තොරතුරු ලැබී තිබෙනවා.
මෙම අනතුරට හේතුව මෙතෙක් අනාවරණය වී නොමැති අතර, සිද්ධිය සම්බන්ධයෙන් වැඩිදුර පරීක්ෂණ ක්රියාත්මකයි.
