මුතුරාජවෙල, කෙරවලපිටිය ප්රදේශයේ පිහිටි කසළ අංගනයක අද හදිසි ගින්නක් හටගෙන තිබේ. කසළ කන්දේ එක් ප්රදේශයකින් ආරම්භ වූ මෙම ගින්න මේ වන විට පැතිර යමින් පවතින බව ප්රදේශවාසීහු පවසති.
හටගෙන ඇති ගින්න පාලනය කර තවදුරටත් පැතිරයාම වැළැක්වීම සඳහා ගිනි නිවන ඒකකය විසින් වහාම ක්රියාත්මක වී ගිනි නිවන රථ දෙකක් එම ස්ථානයට පිටත් කර යවා ඇත. ගින්න හේතුවෙන් ප්රදේශය පුරා ඝන දුමාරයක් පැතිර යමින් පවතින අතර, එය මැඩපැවැත්වීම සඳහා දැඩි උත්සාහයක නිරත වන බව ගිනි නිවන නිලධාරීන් ප්රකාශ කළේය.
කසළ කන්දේ පවතින මීතේන් වායුව සහ වියළි කාලගුණය හේතුවෙන් ගින්න වේගයෙන් පැතිරීමේ අවදානමක් පවතින අතර, ගින්නට හේතුව මෙතෙක් අනාවරණය වී නොමැත.
