ඩොනල්ඩ් ට්‍රම්ප් පාලන සමයේ “කාර්යක්ෂම දෙපාර්තමේන්තුවේ” ප්‍රධානියා ලෙස කටයුතු කළ ප්‍රකෝටිපති ව්‍යාපාරික එලොන් මස්ක් ඇමරිකානු රජයේ තනතුරෙන් නිල වශයෙන් ඉවත්වීම ඊයේ (මැයි 30) නිවේදනය කළේය.
ධවල මන්දිරයේ පැවති මෙම අවස්ථාවට එක්සත් ජනපද ජනාධිපති ඩොනල්ඩ් ට්‍රම්ප් ද සහභාගී විය.
මෙහිදී එලොන් මස්ක්ගේ සේවය අගයමින් ජනාධිපති ට්‍රම්ප් විසින් ඔහුට ධවල මන්දිරයේ රන් ආලේපිත යතුරක් ත්‍යාගයක් ලෙස පිරිනැමීම විශේෂත්වයකි. මෙම යතුර පිරිනැමීමෙන් ජනාධිපති ට්‍රම්ප් අදහස් කළේ ඕනෑම අවස්ථාවක ධවල මන්දිරයට පැමිණීමට මස්ක්ට අවස්ථාව හිමිවන බවයි.
රිපබ්ලිකන් පක්ෂයේ ප්‍රධානතම ධන පරිත්‍යාගශීලියෙකු ලෙස ප්‍රකට එලොන් මස්ක්, ඩොනල්ඩ් ට්‍රම්ප්ගේ ජනාධිපතිවරණ ව්‍යාපාරය සඳහා ඩොලර් මිලියන 250 ක මුදලක් වැය කර තිබුණි.”
