එංගලන්තයේ ලෙස්ටර්ෂයර් ප්‍රාන්ත ක්‍රිකට් සමාජයේ හිටපු ප්‍රධාන පුහුණුකරු ටිම් බූන් මාසයක කාලයක් සඳහා ශ්‍රී ලංකා ක්‍රිකට් පුහුණුකරුවෙකු සහ ඉහළ දක්ෂතා උපදේශකයෙකු ලෙස ශ්‍රී ලංකා ක්‍රිකට් ආයතනය විසින් පත් කරනු ලැබ තිබෙනවා.
ඔහුගේ සේවා කාලය පසුගිය 8 වන දින ආරම්භ වූ අතර, එම කාලය තුළ ඔහු ශ්‍රී ලංකා කාන්තා ජාතික කණ්ඩායම, කාන්තා ‘ඒ’ කණ්ඩායම, පිරිමි නැගී එන කණ්ඩායම සහ ශ්‍රී ලංකා 17න් පහළ ජාතික කණ්ඩායම යන කණ්ඩායම්වල ක්‍රීඩක ක්‍රීඩිකාවන්ගේ පිතිහරඹ කුසලතා වර්ධනය කිරීම සඳහා සමීපව කටයුතු කිරීමට නියමිතයි. තවද, මෙරට ක්‍රීඩක ක්‍රීඩිකාවන්ගේ සමස්ත පිතිහරඹය සහ එක් එක් ක්‍රීඩකයාගේ දක්ෂතා වැඩි දියුණු කිරීම අරමුණු කරගත් තාක්ෂණික සහ උපාය මාර්ගික පුහුණු සැසිවලටද ඔහු සහභාගී වනු ඇත.
ටිම් බූන් මීට පෙර එංගලන්ත 19න් පහළ කණ්ඩායමේ පුහුණුකරුවෙකු ලෙසද කටයුතු කර ඇති පළපුරුදු පුහුණුකරුවෙකු වීම විශේෂත්වයක්.
