බස්නාහිර පළාතේ පැතිර යන ඩෙංගු සහ චිකුන්ගුන්යා රෝග පාලනය කරන්න විශේෂ කාර්ය බළකායක් පත් කර ඇති බව සෞඛ්‍ය ලේකම් එල්. ඒ. කළුකපුආරච්චි මහතා ප්‍රකාශ කළා.
ඔහු පෙන්වා දුන්නේ ලංකාවේ ඩෙංගු රෝගීන්ගෙන් 50%කට වඩා බස්නාහිර පළාතේ බවයි.
කොළඹ මහනගර සභාවේ දත්තවලට අනුව මේ වසරේ මේ දක්වා ඩෙංගු රෝගීන් 17,000ක් වාර්තා වී ඇති අතර, ඉන් 1,800ක් කොළඹ නගර සභා ප්‍රදේශයෙන්.
ඩෙංගු අවදානම් නිවාස 70,000ක් පරීක්ෂා කර නීති උල්ලංඝනය කළ නිවාස 471කට නීතිමය ක්‍රියාමාර්ග ගෙන ඇති බව වෛද්‍ය ගීතිකා රත්නවර්ධන මහත්මිය වැඩිදුරටත් පැවසුවා.
