බෞද්ධ ලෝකයට අතිශයින්ම වැදගත් දිනයක් වන වෙසක් පුර පසළොස්වක පොහොය දිනය අදයි (12).
අප ගෞතම බුදුරජාණන් වහන්සේගේ උප්පත්තිය, බුද්ධත්වය සහ පරිනිර්වාණය සිදු වූයේ අද වැනි පෝය දිනයකයි.
බොහෝ ශාසනික වැදගත්කම්වලින් පිරිපුන් වෙසක් පුර පසළොස්වක පොහොය දිනය ශ්රී ලාංකිකයන් මෙන්ම ලොව පුරා සිටින බෞද්ධ ජනතාව ආමිස පූජාවන්ට සහ ප්රතිපත්ති පූජාවන්ට මුල් තැන දෙමින් මහත් උත්සවශ්රීයෙන් සමරනු ලබනවා.
මේ අතර, ත්රිවිධ රත්නය කෙරෙහි විශ්වාසය තබා වෙසක් දිනය අර්ථවත් ලෙස සැමරීමට කටයුතු කළ යුතු බව අස්ගිරි පාර්ශ්වයේ අනුනායක පූජ්ය වෙඩරුවේ උපාලි හිමියන් ප්රකාශ කළා.
ප්රතිපත්ති පූජාවන්ට මූලිකත්වය දෙමින් උසස් අන්දමින් වෙසක් උත්සවය සැමරීමට පියවර ගත යුතු බව මල්වතු පාර්ශ්වයේ මහාලේඛකාධිකාරී පූජ්ය පහමුණේ ශ්රී සුමංගල හිමියන් සඳහන් කළා.
වෙසක් සමය තුළ ලක්වාසී මෙන්ම ලෝකවාසී බෞද්ධ ජනතාව ආමිස සහ ප්රතිපත්ති පූජාවන්ට ප්රමුඛත්වය දෙමින් බුදුන් වහන්සේ පෙන්වා දුන් ධර්ම මාර්ගයේ ගමන් කිරීමට උත්සාහ කළ යුතු බව රාමඤ්ඤ මහා නිකායේ මහානායක පූජ්ය මකුලෑවේ විමල හිමියන් පෙන්වා දුන්නා.
