මීට වසර 10,000 කට පමණ පෙර ඇමරිකාවේ ජීවත් වී වදවී ගිය සැබෑ වෘකයන් විශේෂයක් වන “Dire Wolves” නම් වෘක විශේෂය ඉංජිනේරු සමාගමක් වන “Colossal Biosciences” විසින් සාර්ථක ලෙස නැවත ජීවයට ගෙන ඒමට සමත් වී තිබෙන බව වාර්තා වේ.
. “Dire Wolves” ලෙස හදුන්වන මෙම වෘක විශේෂය ඔවුන්ට වඩා විශාල වෙනත් ශාක භක්ෂකයන්ගේ බලපෑම නිසා මිහිමතින් වද වී ගිය බව බොහෝ දෙනා විශ්වාස කෙරේ . මේ සදහා ඔවුන් මෙම විශේෂයේ සමීපතම ඥාතියා වන අළු වෘකයෙකුගේ ජාන කේතයේ සංස්කරණ 20 ක් මෙන්ම ෆොසිල දෙකකින් ලබාගත් DNA භාවිත කර තිබෙනවා.
කොලොසල් ආයතනය පවසන පරිදි ඔවුන් මෙම වර්ගයේ වෘකයන් තිදෙනෙකු නිර්මාණය කර ඇති අතර මුල් විශේෂයේ සුදු හිම පැහැය ලෝම ලබාගැනීම සදහා ‘CRISPR’ නම් තාක්ෂණය භාවිත කර තිබේ .එසේ නිර්මාණය කල වෘකයන් තිදෙනාගෙන් දෙදෙනක් පිරිමි සතුන් වන අතර අනෙකා ගැහැණු සතෙක් බව සදහන් වේ .
මාස 6ක් වයසැති එම වෘකයන් අතරින් පිරිමි සතුන් දෙදෙනා ‘රොමුලස්’ සහ ‘රෙමස්’ ලෙස නම් කර ඇති අතර ගැහැණු සත්ත්වයාව ‘කලීසි’ ලෙස නම් කර තිබේ .
මෙම තිදෙනා මේ වන විට හෙළි නොකළ ස්ථානයක අක්කර 2,000 කට වඩා වැඩි සංවෘත රක්ෂිතයක ජීවත් වන බවට වාර්තා වෙනවා. ඒ වගේම වයසින් වැඩෙන විට ඔවුන්ගේ බර රාත්තල් 130 සිට 150 දක්වා වැනි අගයක් ගනු ඇති බවට අපේක්ෂා කරයි.
