උතුරු මැද පළාත් අධ්‍යාපන දෙපාර්තමේන්තුව මගින් පසුගියදා පවත්වනු ලැබූ 5 වසර ශිෂ්‍යත්ව පෙරහුරු විභාගයේදී අනුරාධපුර අධ්‍යාපන කලාපයේ පාසල් දරුවන්ට බෙදා දුන් ප්‍රශ්න පත්‍රවල අසභ්‍ය වචන මුද්‍රණය වීම සම්බන්ධයෙන් පරීක්ෂණයක් ආරම්භ කර තිබෙනවා.
උතුරු මැද පළාත් අධ්‍යාපන ලේකම් සමන්ත කුමාර ජයලත් මහතා සඳහන් කළේ, මෙම සිදුවීම සම්බන්ධයෙන් මේ වන විටත් පරීක්ෂණයක් ආරම්භ කිරීමට පියවර ගෙන ඇති බවයි.
අනුරාධපුර අධ්‍යාපන කලාපය තුළ පාසල්වලට මෙම ප්‍රශ්න පත්‍රය ලබා දී තිබූ අතර, එය පසුව නිවැරදි කිරීමට පියවර ගත් බවද සමන්ත කුමාර ජයලත් මහතා වැඩිදුරටත් ප්‍රකාශ කළා.
මෙවැනි සිදුවීමක් සිදු වූයේ කෙසේද යන්න පිළිබඳව බොහෝ දෙනා තුළ ප්‍රශ්නාර්ථයක් මතුව ඇති අතර, පරීක්ෂණවලින් සත්‍යය හෙළි වනු ඇතැයි අපේක්ෂා කෙරේ.
