ඇල්ල ප්රදේශයේ දී මෑතකදී සිදුවූ බස් රථ අනතුරේදී ජීවිත 16ක් අහිමි වූ අතර තවත් 14 දෙනෙක් තුවාල ලැබුවා. අනතුර සිදුවූ ස්ථානයේ දී තුවාල ලැබූවන්ගේ ජීවිත බේරා ගැනීමට අතිශය නිර්භීතව ක්රියා කළ යුද හමුදාවේ ලාන්ස් කෝප්රල් ඩබ්ලිව්.එම්.වී.එම් බණ්ඩාර මහතාට යුද හමුදාපතිවරයා විසින් උසස්වීමක් සහ මූල්යමය පරිත්යාගයක් ලබා දී තිබෙනවා.
රාජකාරියෙන් නිවාඩු ලබා නිවස බලා යමින් සිටි ලාන්ස් කෝප්රල් බණ්ඩාර, බස් අනතුර දුටු විගසම තම ජීවිතය ගැන නොසලකා තුවාල ලැබූවන් බේරා ගැනීම සඳහා ඉදිරිපත් වුණා. ඔහු අනතුරට පත් වූවන් බස් රථයෙන් මුදාගෙන, ඔවුන්ව ඉහළට රැගෙන එන අතරතුර, පෙරළී ගිය ගලකින් ඔහුගේ හිසට බරපතළ තුවාල සිදුවුවත්, ඔහු තම මෙහෙයුම අඛණ්ඩවම කරගෙන ගොස් තිබෙනවා.
පසුව එම ස්ථානයේ සිටි වෛද්යවරුන්ගේ මැදිහත් වීමෙන් බණ්ඩාර මහතාව රෝහල් ගත කිරීමට කටයුතු කෙරුණා.
බණ්ඩාර මහතාගේ මෙම නිර්භීත ක්රියාව අගය කරමින් යුද හමුදාව විසින් ඔහුට ලාන්ස් කෝප්රල් තනතුරේ සිට කෝප්රල් තනතුර දක්වා උසස්වීමක් ලබා දී තිබෙනවා. එමෙන්ම, යුද හමුදාධිපති ලුතිනන් ජෙනරල් ලසන්ත රොද්රිගෝ මහතා විසින් යුද හමුදා මූලස්ථානයේදී ඔහුට මූල්යමය පරිත්යාගයක් ද ප්රදානය කළා.
මෙම සිදුවීම, තම රාජකාරී වගකීමෙන් ඔබ්බට ගොස් මානව සේවයක් සිදු කිරීමේ වැදගත්කම යළිත් වරක් සිහිපත් කර දෙනවා.
