ඉරානයේ උත්තරීතර නායක අයතුල්ලා අලි කමේනි (Ayatollah Ali Khamenei) මියගොස් ඇති බව එරට රජයට හිතවාදී නිල පුවත් සේවා වන ‘තස්නිම්’ (Tasnim) සහ ‘ෆාර්ස්’ (Fars) යන ආයතන අද නිල වශයෙන් තහවුරු කර තිබේ. සෙනසුරාදා අලුයම සිය කාර්යාලයේ දෛනික රාජකාරිවල නිරතව සිටියදී ඔහු ඝාතනයට ලක්ව ඇති බව ෆාර්ස් පුවත් ඒජන්සිය වැඩිදුරටත් වාර්තා කර ඇත.
මීට පෙර ඇමෙරිකානු ජනාධිපති ඩොනල්ඩ් ට්රම්ප් සහ ඊශ්රායල ආරක්ෂක අංශ (IDF) විසින් එල්ල කරන ලද ප්රහාරයකින් උත්තරීතර නායකයා ඇතුළු ඉරාන ඉහළ පෙළේ නායකයින් පිරිසක් මියගොස් ඇති බවට ප්රකාශ කර තිබුණි. මුලදී ඉරාන බලධාරීන් එම වාර්තා තරයේ ප්රතික්ෂේප කළ ද, මේ වන විට එරට රජයේ නිල මාධ්ය මගින්ම මෙම පුවත තහවුරු කිරීම ලෝක දේශපාලනයේ දැඩි අවධානයට ලක්ව තිබේ.
මෙම අභාවයත් සමඟ ඉරානය තුළ දැඩි නොසන්සුන්කාරී සහ ශෝකී වාතාවරණයක් හටගෙන ඇති අතර, කලාපීය ආරක්ෂාව පිළිබඳව ද බරපතළ ප්රශ්න මතු වී ඇත. උත්තරීතර නායකයාගේ අනුප්රාප්තිකයා කවුරුන්ද යන්න සහ ඉදිරි පාලන තන්ත්රයේ වෙනස්කම් පිළිබඳව ජාත්යන්තරය මේ වන විට විමසිල්ලෙන් පසුවේ.
