ගම්පහ දිස්ත්‍රික්කයේ ප්‍රදේශ කිහිපයක් සඳහා හෙට (අගෝස්තු 11) දින පැය 10ක ජල කප්පාදුවක් සිදු කිරීමට නියමිත බව ජාතික ජල සම්පාදන හා ජලාපවහන මණ්ඩලය නිවේදනය කරනවා.
ගම්පහ, අත්තනගල්ල සහ මිනුවන්ගොඩ ඒකාබද්ධ ජල සම්පාදන ක්‍රමයේ නිට්ටඹුව සිට මිනුවන්ගොඩ දක්වා වූ සම්ප්‍රේෂණ නලයේ පිරිසිදු කිරීමේ හා විෂබීජහරණය කිරීමේ කටයුතු හේතුවෙන් මෙම ජල කප්පාදුව සිදු කරන බව ජල සම්පාදන මණ්ඩලය පැවසුවා.
ඒ අනුව, හෙට පෙරවරු 10:00 සිට පස්වරු 08:00 දක්වා වූ පැය 10ක කාලයක් සඳහා පහත සඳහන් ප්‍රදේශවලට ජල සැපයුම අත්හිටුවනු ඇත.
- රණ්පොකුණගම
- බටලීය
- අත්තනගල්ල
- පස්යාල
- නිට්ටඹුව
මීට අමතරව, නිට්ටඹුව කන්දහේන, මාපගොල්ල, කෝංගස්දෙනිය, පින්නගොල්ලවත්ත, කෝලවත්ත, ගොරකදෙනිය, රන්පොකුණගම නිවාස යෝජනා ක්‍රමය, ඌරාපොල, දික්කන්ද, මිවිටිගම්මන, මාඉඹුල, මාතලාන, හග්ගල්ල, අලවල, කලල්පිටිය සහ ඇල්ලමුල්ල යන ප්‍රදේශවලටද ජල සැපයුම විසන්ධි වනු ඇත.
මේ හේතුවෙන් ජනතාවට ඇතිවිය හැකි අපහසුතා අවම කරගැනීම සඳහා කල්තියා ජලය රැස්කර තබාගන්නා ලෙස ජල සම්පාදන මණ්ඩලය ඉල්ලා සිටිනවා.
